Lamézon Banké

---

Alon priyé é fé bon manyèr,

Lésé nô paròl-yé dêt sézonné avèk disèl;

Lésé Bondjé raplé vou vô prémyé fèt,

Kan yé té sélébré la djœl sô matris.

Lésé Bondjé raplé vou vô prémyé dimansh.

Kan vou prémyé senti boukou flavœr

Kan li té prenn sô dwa é mèt ça dan in bòl,

É té donné vou in gou, pou vou ka savour osit.

Lésé Bondjé raplé vou lindi-çála.

Kan vou té wa zariko-layé d’iyè-oswa;

V’ap pensé: Komen yé kwi ça?

Kan vô sajès té lwin de limyær-la.

Lésé Bondjé raplé vou lakonmponyi.

Kan lagrès-la té prémyé brulé vô lapo;

Kan vou té prémyé apren tradisyon-layé;

Kan vou té prémyé apren pou swété é péshé.

Lésé Bondjé raplé vou lê shagrin.

Kan disan famiy apé vidé endan,

Pou disan-la ki té vidé déyò

É vou té apren pou sèrvi avèk in souri.

Lésé Bondjé raplé vou lamour-çála.

Fenm-çála ki fé vou malad lamour.

Ki té montré vou sô frwi jardin-la

É zòt té apren ke manjé çé vô langaj.

Lésé Bondjé raplé vou Jour-çála!

Kan disan-la té sòrti de paradi;

Kan vini té vini in méyœr pèrsonn;

Kan vou té bandonné ti-leuvan-çála.

Lésé Bondjé raplé vou tou fèt-çálayé!

De vô jour nésans a vô jour payin;

De jour solanèl-yé é kamaradri-yé

Raplé fèt-çálayé...Amèn.

---

Reginald Page

Reginald Paige té éné & èlvé dan Los Angeles, Kalifòrni. Li fé dê pòrtré, ékri poézi, listwa-yé, & rédaksyon-yé, li osi mètdékòl mérikin. Li té résévwa sô B.A. dan Lar é Médya Kominikasyon a Liniversité Johnson C. Smith épi sô MFA dan Sinéma, TV, & Nouvo Médya a Liniversité Mount Saint Mary. Osi, Li konné parlé mandarin é portigé bréziliyin. Jou jordi, L’apé apren kouri-vini pou tchinbo langaj a sô léritaj.